VIDEO: Kom við móti høgu hondbóltstindunum hóskvøldið

Ítróttarsøga varð skrivað, tá ið føroyska manshondbóltslandsliðið í apríl 2023 spældi seg í EM-endaspælið fyri A-landslið, sum verður í Týsklandi í januar 2024.

Hondbóltur, Føroyar - Rumenia

Føroyar er nógv minsta land, sum hevur spælt seg í eitt EM-endaspæl í hondbólti.

Hondbóltur, FO-Ukraina

Á leiðini hagar vunnu vit á Ukraina og Rumenia, sum er trífaldur heimsmeistari í manshondbólti.

Bleiv hálvavegna flent eftir HSF

Dokumentarurin sigur søguna um, hvussu stóri framburðurin í føroyskum hondbólti er komin eftir fáum árum.

Fyri tíggju árum síðani vóru vit framvegis ongan veg komin. Menningin hevur tí verið ovurstór seinnu árini.

Hondbóltur, Føroyar - Rumenia

Men fyri tíggju árum síðani setti Hondbóltssamband Føroya sær stór mál.

Eitt var, at Føroyar innan tíggju ár skuldu í eitt stórt endaspæl fyri A-landslið.

Tá var hálvavegna flent, at tey vóru so ósmæðin.

A-landsliðið, Hondbóltur, Móti høgum tindum, Hákun West av Teigum

Søgan um framburðin í føroyskan hondbólt

Í dokumentarinum fáa vit søguna um gongdina í føroyskum hondbólti hesi seinnu árini.

Sagt verður frá arbeiðssetninginum hjá Hondbóltssambandinum, ið hevur strítt seg úr húsagangi upp á tindin.

A-landsliðið, Hondbóltur, Móti høgum tindum, Óli Mittún

Vit fáa søguna um stóra vakstrarøkið í felagnum H71 í Hoyvík, sum er vøggan hjá fleiri av okkara bestu spælarum í dag - onkur telist í dag millum úrmælingar úti í heimi.

Vit fylgja manshondbóltslandsliðnum á leiðini til søguliga EM-endaspælið og eru við teimum á venjingarlegu í Føroyum og Íslandi í heyst.

Suni Merkistein og Hans Petur Hansen leggja til rættis.

Hvat: Móti høgum tindum - um føroyska hondbóltsævintýrið
Hvar: í sjónvarpinum
Nær: Hóskvøldið kl. 19.25