Skipið hjá Paul Watson komið inn um 200 fjórðingar í Íslandi

Skipið Bandero, sum hoyrir til felagskapin hjá Paul Watson, Captain Paul Watson Foundation, kom í gjár inn um 200 fjórðingamarkið í Íslandi.

Íslendsku myndugleikarnir hava samband við skipið, skrivar Morgunblaðið.

Myndugleikarnir hava heitt á manningina á Bandero um at tendra AIS-skipanina, sum annars var sløkt. 

AIS stendur fyri Automatic Identification System og vísir dátur um skipið - hvar tað liggur, ferðina, og hvønn veg tað siglir.

Felagsskapurin hjá Watson hevur alment boðað frá, at farið verður í hernað móti hvalaveiðu í Íslandi í summar.

"Operation 86"

Heitið á herferðini er  "Operation 86". Og tað sipar til hendingina eina nátt í november 1986, tá ið tveir limir í Sea Sheherd tóku seg inn á hvalastøðina á Hvalfirði og framdu herverk umborð á fýra íslendskum hvalabátum, sum lógu við bryggju.

Somu nátt sigldu Sea Sheperd-limirnir til Reykjavíkar havn, har teir søktu tveir hvalabátar við at lata botnventilarnar upp

Paul Watson tók ábyrgdina av atsóknini. 

Íslendsku myndugleikarnir hava upplýst, at teir fylgja gongdini neyvt, og hava eftirlit við Bandero, nú tað er komið inn um 200 fjórðingar.