- Tíðindi, mentan og ítróttur
VIDEO: Sera torførar umstøður undir bjargingini
Sum sæst á stuttu upptøkuni, so vóru tað vóru sera torførar umstøður, tá tað eydnaðist manningini á bjargingartyrlan hjá Atlantic Helicopters at bjarga 14 monnum av Kambi í gjáramorgunin.
Skipið lá á síðuni í sjónum í tungari aldu, og sum hoyrist á upptøkuni, so er nógvur vindur.
Stutt eftir, at tann síðsti maðurin varð bjargaður, sakk Kambur.
Liggur á 200 metra dýpi
Kambur liggur nú á umleið 200 metra dýpi, 17 fjórðingar í ein útsynning úr Føroyum.
Leitað verður enn eftir monnunum, ið ikki eru komnir afturíaftur, og Brimil hevur leitað í alla nátt.
Skiparin á Brimli, Elias Zachariasen, segði, at umstøðurnar at leita vóru versnaðar aftur, men at teir høvdu funnið ein neyðsendara hjá Kambi.
Annars var støðan óbroytt frá í gjár.