Hýsu- og toskastovnarnir fylgjast ikki

- Hetta er fyrstu ferð, at gongdin hjá toskastovnunum og hýsustovnunum á landgrunninum ikki fylgjast. Og tað er undrunarvert, heldur Hjálmar Hátún, havfrøðingur.

Sambært grein í tíðarritinum Global Change Biology, var tað ein sterkur subpolarur meldur, sum í 2013-15 broytti plantuætisamfelagið um okkara leiðir. Ein slíkur subpolarur meldur er vanliga góður fyri landgrunnavistskipanir. Og helst hevur hetta ávirkað hægri lið í føðiketuni.