Allan íslendskur steypavinnari

Valur við Allani Norðberg á liðnum vann um vikuskiftið íslendsku steypakappingina í hondbólti.

Reykjavíkarfelagið vann 43-31 á ÍBV av Vestmannaoyggjunum. Føroyski vongurin skeyt trý mál í finaluni, sum var spæld í Laugardalshøllini.

Strandingurin er fyrsti mannligi føroyski hondbóltsspælarin, sum hevur vunnið íslendsku steypakappingina.

Í fjør vann Ingibjørg Olsen steypakappingina, tá ÍBV vann 31-29 á júst Vali.