Kappróðurin blómar í Hósvík

Tað hevur gingið við rúkandi ferð í Hósvíkar Róðrarfelag. 

Fyri 10 árum síðan var eingin, sum róði í bygdini, men á norðoyastevnu um vikuskiftið, hevði felagið ikki færri enn sjey manningar.

Tað fortaldi Jónas Æ. Busk, sum er limur í nevndini í felagnum. Helvtin av rógvarunum eru úr Hósvík, har bert 300 fólk búgva, og hin helvtin kemur aðrastaðni frá.

 - Vit eru aktiv, og royna at gera tað soleiðis, at fólk skulu tíma væl at koma til Hósvíkar at rógva, segði Jónas Æ. Busk.