- Tíðindi, mentan og ítróttur
Longri samrøðan: Randi fer ikki heim úr Algeria uttan dóttrina
Í vikuni hava vit bæði í Degi og viku og Útvarpstíðindunum hoyrt um syndarligu støðuna hjá Randi Johansdóttir Abbas og fýra ára gomlu dóttir hennara.
Tað, ið byrjaði sum ein hugnalig familjuferð at vitja familjuna hjá pápanum at dóttrini í Algeria, endaði sum ein marra fyri Randi Johansdóttir Abbas og dóttrina.
Brádliga vildi pápn at dóttrini, Ali, ikki vildi loyva dóttrini heim aftur til Føroya við mammu síni. Randi kundi gott fara heimaftur til Sumbiar, men dóttirin skuldi ikki við. Fyri at vísa, at hann meinti tað í álvara, skræddi pápin at dóttrini passið hjá dóttrini sundir.
Tað mesta av einum ári búðu Randi og dóttirin inni hjá pápanum at dóttrini. Men miðskeiðis í mai mánaða eydnaðist tað Randi og dóttrini at flýggja úr heiminum hjá pápanum.
Síðani hava tær goymt seg ymsastaðni í Algeria.
Hjá Randi er eingin ivi.
"Eg fari ikki til Føroya uttan dóttir mína," sigur hon staðiliga.
Her sæst ein long útgáva av samrøðuna, ið varð gjørdi við Randi, har hon lýsir syndarligu støðuna hjá dóttrini og sær.