Skúlin við Løkin: Telefonpolitikkur heldur enn forboð

Áðrenn vit fingu ein strangari telefonpolitikk, so vóru nógvar avbjóðingar, men nú er tamarhald á støðuni. Tað sigur Høgni Lamhauge,  sum er lærari í Skúlanum við Løkin, har næmingarnir lata telefonina inn, tá tey møta um morgunin. 

Eldri næmingar hava kortini onkuntíð trupult við at virða reglurnar um telefonir. Ein teirra, er Markus Steinhólm, sum gongur í 9.flokki.

"Lærarin spurdi ikki ordiliga meg í morgun, men heldur onkrar aðrar, so eg veit ikki" sigur hann flennandi við telefonini liggjandi á borðinum - og leggur aftrat, at hann plagar at lata telefonina inn. 

Høgni Lamhauge ásannar avbjóðingina, men sigur samstundis, at lærarar gera sítt besta fyri at lofta hesum. Sambært honum, so er ein telefonpolitikkur kortini betri enn eitt forboð.