- Tíðindi, mentan og ítróttur
Sundabáturin og Jarnbardur vunnu aftur
Sundabáturin og Jarnbardur vunnu aftur
Hjá 6-mannaførum vóru somu vinnarar sum seinast. Sundabáturin var fremstur hjá monnum, og hóast fleiri bátar bjóðaðu Jarnbardi av hesa ferð, var úrslitið hitt sama
17.06.2025 - 16:18
Bert Hósvíkingur stillaði upp ímóti Jarnbardi á norðoyastevnu, men í Sundalagnum kappaðust fimm 6-mannafør.
Afturat teimum báðum vóru Glyvrabáturin, Tvørabáturin og Fortuna við hesa ferð.
Fremstur var kortini Jarnbardur, sum kom á mál góð níggju sekund frammanfyri Glyvrabátin. Hósvíkingur mátti taka til takkar við 3. plássinum hesa ferð.
Sundabáturin vann aftur
Skúgvur úr SÍF bjóðaði aftur av ímóti Sundabátinum í fremstu røð hjá 6-mannaførunum við monnum, men tað vóru norðingarnir, sum vunnu og tryggjaðu sær tey sjey stigini.
Eitt pláss longur afturi vann Gongurólvur (HR) ein harðan kamp ímóti Sølmundi (NSÍ) um 3. plássi. Munurin var minimalur ímillum bátarnar.
Er kopiera
Nýggjastu sendingar í ÚV
Nýggjastu sendingar í SV
