Føroya fólkaháskúli fær nýggjan stjóra í heyst

Í heyst verður stjóraskifti í Føroya fólkaháskúla.

Núverandi stjórin, Hedvig Westerlund-Kapnas, hevur rikið starvið síðani 2019:

- Tað er ein framíhjárættur at reka hetta starvið, sigur hon.

Torkil Tórgarð, komandi stjórin, byrjar 1. september, men tekur ikki við sum stjóri fyri enn í oktober.

Ta fyrstu tíðina skal hann setast inn í viðurskiftini saman við fráfarandi stjóranum.