Bíðitíðin eftir arbeiðsloyvi gerst ov long

Tá føroyskir myndugleikar í heyst yvirtóku umsitingina av arbeiðs- og uppihaldsloyvum, gjørdist bíðitíðin munandi longri.

Formaðurin í Vinnuhúsinum, Niels Winther, sigur, at støðan er ótolandi, og at átøk skjótt mugu gerast fyri at stytta viðgerðartíðirnar.

Á Útlendingastovuni, sum viðgerð umsóknirnar um arbeiðs- og uppihaldsloyvi, ásannar trupuleikan. 

Ein av høvuðsorsøkunum til bíðitíðina, er manglandi arbeiðsorka, sigur Sólva G. Dam, deildarleiðari á Útlendingastovuni.