Regatta í góðveðrinum

Í dag er ársins regatta, tá roynd, eins og óroynd, róðrarfólk rógva úr Eiði til Hósvíkar.

Bæði veðrið og hýrurin vóru í hásæti, tá Andras Clementsen og Jason Thomsen Stovugarð riggaðu til at flota bátin:

- Hetta er fyrstu ferð eg eri við, sigur Andras Clementsen, ímeðan Jason Thomsen Stovugarð plagar at vera við kappingarmanningini, men í ár er við vinfólki í staðin.

- Eg gleði meg mest til góða stemningin, og at dansa føroyskan dans á hólminum, sigur Jason Thomsen Stovugarð, í innslagi í Degi og viku.