Príshækkingin rakar vinnuna meinast

Smoltstøðirnar kunnu ikki samamberast tað tær einaferð vóru, og eru millum størstu orskuslúkar í landinum, og merkja tí eisini príshækkingarnar mest.

SEV avgjørdi á eykaðalfundi í dag, at privatkundin skal rinda sjey oyru meira pr. kilowatttímar komandi ári, meðan vinnan skal rinda ellivu oyru og uppaftur fýra oyru afturat í 2027, so hækkingin verður fimtan oyru.

Bara smoltstøðin hjá Hiddenfjord á Fútakletti brúkar einar 65 milliónir krónur í streymi um árið. Komandi ár fer við við príshækkingini at merkja góðar 4 milliónir krónur afturat og í 2027 seks milliónir krónur.

Og hetta er bara ein av eini røð av hækkingum seinnu árini.

Hiddenfjord vil fegið vera við í grøna orkuskiftinum, tí tað er eisini ein partur av arbeiðnum hjá fyritøkuni at vísa ein grønan profil. Men enn eru tey ikki sloppin ígongd.