Vit sóu ótryggleika og himpr í dag

Høvuðsorsøkin til tíggju máls ósigurin imóti Týsklandi í Dortmund var, at týska verjan í løtum fekk steðga annars stinnu føroysku bakspælarunum.

Viðhvørt varð torført at skjóta mál, og tá mistøkini stungu seg upp, fingu føroyingar avrokning við kassa eitt.

 - Tær fáa justera til okkara spæl so líðandi. Teirra verja stóð sera væl, og vit síggja ótryggleika og himpr, sum vit ikki hava sæð frá okkara bakspælarum fyrr, ásannaði Claus Mogensen eftir dystin. 

Føroyingarnir byrjaði sera væl, og vóru á odda við einum máli tríggjar ferðir. Miðskeiðis í fyrra hálvleiki var framvegis javnt, 8-8, men síðan komu mistøkini, og týska leiðslan gjørdist somikið stór, at eingin vón var um at fáa heimaliðið aftur.

 - Vit fáa allar spælararnar inn í dag, og tað handlaði sjálvsagt eisini um at spara kreftir, men tað snui seg eisini um at fáa spælt nakrar inn, sum hava sitið nógv uttanfyri higartil, og tað var positivt, helt landsliðsvenjarin, sum nevndi Maritu Mortensen, sum skeyt tvey langskotsmál og fekk eitt upp á gjøgnumbrot.

 - Marita kom inn og stóð seg væl. Góð skot og góður innsatsur í verjuni, segði Claus Mogensen, sum nú hyggur fram ímóti 2. umfari, tá Serbia verður mótstøðulið.