Nýggj farsóttarlóg: Frá tilmælum til tvingsil

Føroyar yvirtóku farsóttarøkið tann 1. januar í 2024 og nú liggur ein nýggj føroysk farsóttarlóga til hoyringar. Lógin er gjørd við støði í tilbúgvingarætlanum í okkara grannalondum og við tilmæli frá Altjóða Heilsustovninum, WHO. 

Heilsumálaráðið, sum hevur gjørt lógaruppskotið, vísir á, at uppskotið í ávísan mun ger seg inn á Evropeisk mannarættindi, men tað verður mett neyðugt fyri at verja fólkaheilsuna og samfelagstrygdina. 

Bárður á Steig Nielsen, sum var løgmaður undir koronufarsóttini, heldur lítið um lógaruppskotið, sum liggur til hoyringar til 26. januar 2026. Hann heldur at vit hava tikið ov nógv útlendskt í lóggávuna  og heldur áttið at tikið støðið í okkara egnu og góðu royndum at stýra umvegis tilmælir.