Til Oslo at hyggja at abbasoninum

- Vit kennast allir, so tað er hugnaligt at sita her og práta, sigur Jústines Justinussen av Skála, sum hevur hitt Niels Juul Kristiansen og Poul Eli Hansen úr Æðuvík til ein kaffimunn á hotellinum í norska høvuðsstaðnum.

Teir eru millum teir fyrstu áskoðararnar, sum eru kominir til Oslo. Allir tríggir hava góðar vónir til fyrsta dystin hjá Føroyum móti Sveis fríggjakvøldið. 

Jústines hevur ein abbason á liðnum, Bjarna í Selvindi, og tað er høvuðsorsøkin til, at hann er farin til Oslo, og hetta ger tað eyka spennandi at hyggja.