Torbjørn Olsen 70 ár: - Tað er eitt slag av vegamóti

Ein av Føroya mætastu listamonnum, Torbjørn Olsen, er blivin 70 ár.

Tað gevur høvi til hugleiðing, og sambært listamanninum er hann nú á einum slagi av vegamóti.

Burtur í listini

Sum heilt ungur avgjørdi Torbjørn Olsen at fylgja dreyminum um at gerast listamaður. 

Og nú sum 70 ára gamal hevur hann ikki minni blóð á tonnini. 

Honum dámar avbjóðingar, og nú hugleiðir hann um, um tað er nú, hann skal royna seg við abstraktari list - ella kanska fara ein heilt annan veg og gerast náttúralistiskur.

Trekur stuðul

Sum unglingi fór Torbjørn Olsen at lesa list í Keypmannahavn. 

Men tað var ikki bara bara at fylgja dreyminum um at gerast listamaður.

Mamman vildi, at hann hevði eina aðra útbúgving at detta aftur á. 

Hann bleiv tí sendur í læru sum elektrikari. Hann treivst tó ikki, og gavst aftaná eitt hálvt ár. 

Listaliga valið

Tað stóð millum tónleikin og listina - og tað var listin, sum bleiv yrkisleiðin øll árini frameftir.

Og listin hevur sanniliga sett sítt merki í føroyska listaheimin.

- Fleiri siga, at tú ert besti føroyski listamaðurin eftir Mikines. Hvat sigur tú til tað? 

- Uha, hatta eru stór orð, men tað haldi eg nú ikki sjálvur. Eg haldi, at har eru aðrir góðir málarir í Føroyum, letur í Torbjørni Olsen.