HM í Týsklandi: Føroyar byrja við lykladystinum

Fyrsti HM-dysturin hjá føroyska manslandsliðnum í hondbólti kann avgera lagnuna Føroyum í endaspælinum.

Føroyar endaðu í bólki saman við Portugal, Póllandi og Algeria og leggja fyri ímóti Algeria í GETEC Arena í Magdeburg hósdagin 14. januar. Eydnast tað at vinna á norðurafrikanarunum, er plássið í miðumfarinum mest sannlíkt tryggjað, tí trý av fýra liðum í hvørjum bólki sleppa í miðumfarið.

Hetta er kortini treytað av, at Algeria ikki vinnur á Póllandi ella Portugal. Hendir tað, verður roknistykki fløktari.

LES EISINI: Føroyar fáa harða HM-mótstøðu

Stigini telja í miðumfarinum

Í miðumfarinum gerst uppgávan tó munandi torførari, og tí kann tað gerast avgerandi at hava so nógv stig sum gjørligt við sær úr bólkaspælinum. 

Her kann annar dysturin í bólkaspælinum ímóti Póllandi 16. januar gerast avgerandi. 

VIDEO: Vunnu hondbóltshjørtu 

Føroyar taptu 32-28 fyri júst Póllandi í EM-endaspælinum í 2024, tá hálvleiksstøðan var 15-15. Tá var talan um eitt grønt føroyskt lið uttan royndir í endaspølum, og tí er ikki óhugsandi, at føroyingarnir hesa ferð hava betri møguleikar ímóti tunga pólska liðnum.

Binda bólkasloyfu móti Portugal

Síðsti dysturin verður ímóti Portugal, sum kemur úr ovasta styrkibólkinum. Portugisar hava tikið seg nógv fram síðstu árini, og teljast nú millum tey liðini, sum royna at koma upp á stigið hjá Danmark.

Tað eydnaðist portugisum at vinna 31-29 á dønum í bólkaspælinum í seinasta EM-endaspælinum, og tað verður torført hjá Føroyum at syfta Costa-brøðurnar og Salvador Salvador, sum endaðu á fimta plássi í EM seinast.

Um væl vil til, verður hetta dystur um 1. plássið í bólkinum, men undir øllum umstøðum verður spennandi at royna seg ímóti portrugisum fyri fyrstu ferð síðan C HM í 1980, tá Portugal vann 34-25.

Eydnast tað hjá Føroyum at spæla seg í miðumfarið, verða trý tey bestu úr bólki E mótstøðulið í Hannover. Í tí bólkinum spæla Svøríki, Norra, Grikkaland og Katar.

HM-Dystarskráin í bólkaspælinum

Hósdagin 14. januar: Føroyar – Algeria
Leygardagin 16. januar: Føroyar – Pólland
Mánadagin 18. januar: Portugal – Føroyar