Føroya bjór 110.000 kr. í sekt fyri at selja Essabarr rúsdrekka

Føroya Bjór hevur í Føroya rætti fingið 110.000 kr. í sekt fyri at selja eigara og starvsfólki í Essabarr í Havn rúsdrekka.

110.000 kr. var kravið hjá ákæruvaldinum.

110.000 kr. eru helvtin av umsetninginum av søluni í Essabarri.  

Meirvirðisgjald er ikki við. Tí tað er goldið.

Talan var um rúsdrekka, sum skuldi skeinkjast í Essabarri, sigur ákæruritið.

Lógarbrot

Og tað er brot á loyvið, sum Føroya bjór fekk at selja fólki, sum vitja Føroya bjór, rúsdrekka.

Tað loyvið er latið sambært kunngerð um at flyta inn, gera og selja rúsdrekka.

Sølan í Essabarr var frá 11. desember 2023 til 29. november í 2024.

Føroya bjór fekk loyvi at selja vitjandi rúsdrekka júst tann 11. desember í 2023.

Føroya bjór noktar seg sekt.