10 høvdu vælrætt - fýra sótu í valhølinum

"Oyndarfjørður hellur."

Tey flestu kenna skeivu linjuna úr tekstinum hjá Gunnleifi Thomsen, sum Niels Midjord, sáli, gjørdi lag til og gav út.

Men grannabygdirnar Oyndarfjørður og Hellurnar eru eisini tvey av minnu valstøðunum í landinum. Serliga Hellurnar

"Okur eru í bønhúsinum á Hellunum," greiðir Jórun Eið Johannesen, valstýrisforkvinna á Hellunum.

"Valstaðið er her í bønhúsinum, og tað hevur tað verið nógv tey seinastu árini," sigur hon.

Bert 10 fólk hava valrætt á Hellunum, og fýra av teimum sótu í bønhúsinum, tá Kringvarpið kom á gátt á middegi. Atkvøðukassin var skralltómur tá, og so er spurningurin, um uppmøtingin hevur tikið dik á seg síðani.

Í Oyndarfirði hava 108 valrætt, og um middagsleitið høvdu 26 atkvøtt.