Bárður á Lakjuni: "Eg brenni fyri sernámsøkinum og vóni at kunna lyfta tað"

Bárður á Lakjuni kennir nógv væl til politiska lívið, bæði á egnum kroppi, men eisini gjøgnum pápan, Jógvan, til at vita, at tað verður eitt tungt tak at vera landsstýrismaður í mentamálum. 

"Ráðið eitur mentamál, men har er útbúgving, mentan og kirkja, men harundir er alt møguligt."

Spurdur, hvussu tað kendist at vera landsstýrismaður í mentamálum, svaraði Bárður á Lakjuni:

"Nú havi eg bara verið landsstýrismaður í ein hálvan tíma, og eg veit, at allir hálvir tímar vera ikki sum hesin, og eg ivist ikki í, at tað liggur nógv arbeiði og bíðar úti í ráðnum."

Bárður á Lakjuni, landsstýrismaður í mentamálum, nevndi ítøkiliga sernámsøkið sum nakað, ið hann ætlar sær at leggja nógva orku í. 

"Eg brenni fyri sernámsøkinum og vóni at kunna lyfta tað."