Stjórin í Sauna Dypp kennir seg vónsviknan

Tey hjá Sauna Dypp, kenna seg so svikin av Tórshavnar kommunu, at tey hava stevnt kommununi eftir 1,9 milliónum krónum.

Stjórin í smápartafelagnum Sauna Dypp er ikki sørt vónbrotin fyri tíðina

Í August í fjør, var hann annars rættiliga spentur, tí tá hevði Sauna Dypp vunnið eitt útboð um vælveruøki í Álakeri í Havn

Útboðið kom frá Tórshavnar kommunu, har tekniski stjórin, havnastjórin og býararkitekturin mæltu til, at gera leiðusáttmála við Sauna Dypp.

Hetta gekk tó ikki sum ætlað, tí tá málið kom fyri býráðið, mælti byggi- og býarskipanarnevndin til at samtykkja, at taka av tilboði frá øðrum veitara. Gjørt varð av, ikki at gera leigusáttmála við Sauna Dypp, at taka útboðið aftur og gera nýtt útboð.

Hetta kom illa við hjá teimum hjá Sauna Dypp, sum hava brúkt tíð og fíggjarliga orku til uppskotið um vælveruøkið.