Filipinarar í Føroyum savnast um kurvabólt

Tað er ferð á hvønn sunnudag í høllini í Kambsdali.

Tá eru dystir á skránni í filippinsku kurvabóltskappingini, All Filipino Cup, sum fór av bakkastokki mitt í mai. 

 - All Filipino Cup er ein kapping, sum sameinir allar filipinararnar í Føroyum, sigur stigtakarin, Jonathan Fernandez.

 - Tað kann vera hart at vera langt heimanifrá, og ein slík kapping gevur okkum okkurt at gleða okkum til og ger ,at vit veruliga kenna okkum heima í Føroyum.

Komnir til Føroya at arbeiða

Sjey lið eru við í kappingini, har seks umfør eru spæld higartil. Tey eru mannað við filippinskum monnum, sum eru komnir til Føroyar at arbeiða.

Hetta fyrsta árið er kappingin bert fyri filipinskar menn, men næsta ár er ætlanin at lata kappingina upp fyri aðrar tjóðskapir. Eisini eru ætlanir um at skipa fyri kapping fyri kvinnur. 

 - Her kunnu vit vera saman sum lið, vinir og samfelag. Hetta er ein kapping, men vit eru fyrst og fremst vinir, sum spæla, hugna sær og hava tað stuttligt, sigur samskiparin, Lyndon Edoloverio.

Sí meir um kappingina her.