El-bilar ikki egnaðir at koyra millum bygdir

Meirilutin í fíggjarnevndini tók ikki undir við uppskotinum hjá Bjørt Samuelsen úr Tjóðveldi um at tríggjar milliónir kr. í eykajáttan at stuðla uppseting av løðistøðum til el-bilar. Og tá atkvøtt varð, fall uppskotið.

Thormann Kruse, veikstreymsverkfrøðingur, ivast í, um fleiri føroyingar fara at keypa el-bilar, hóast løðistøðir verða settar upp, tí enn koyra teir ov stutt til løðingina í battarínum. Tí eru teir ikki egnaðir at koyra millum bygdir, heldur hann.

Hinvegin eru el-bilarnir væl egnaðir til býarkoyring, sigur Thormann Kruse.