Jenny var best skikkaða til starvið

Jenny Petersen var tann best skikkaði persónurin, sum søkti starvið sum stjóri í Tjóðpalli Føroya, og tí varð hon fyri fjórðu ferð sett at røkja starvið í fimm ár.

Tað sigur Ingibjørg Berg, forkvinna í Leiklistaráðnum, nú Leiklistafylkingin alment finst at setanini.

Leiklistaráðið verður valt fyri trý ár í senn, og telur sjey fólk. Landsstýrismaðurin í mentamálum tilnevnir tvey umboð, har annað er formaður. Hinir limirnir í Leiklistaráðnum verða tilnevndir av ávikavist

Leikarafelag Føroya, Meginfelag Áhugaleikara Føroya, Listafólkasambandi Føroya, Tórshavnar býráð, og starvsfólkini á Tjóðpalli Føroya velja eitt umboð.

Skeiðið hjá sitandi Leiklistaráði gongur út 30. september í ár.