Fáa 600-700 mió. kr. fyri bankan í Danmark

BankNordik gevst í Danmark.

Bankin hevur selt alt sítt virksemi í Danmark til Spar Nord.

Talan er um 60.000 viðskiftafólk, 132 starvsfólk og 11 deildir.

Árni Ellefsen, forstjóri í BankNordik-samtakinum, væntar at fáa millum 600 og 700 milliónir krónur fyri bankan í Danmark.

BankNordik hevur bara smáar vinnukundar í Danmark, flestu kundarnir eru privatkundar.

BankNordik royndi uttan úrslit at fáa kapitalkrøvini fyri virksemið í Danmark broytt.

70-90 mió. í nettovinningi fyri søluna

Bankin væntar, at sølan fer at geva ein nettovinning millum 70 og 90 mió. kr. í ársroknskapinum fyri 2021.

Sølan ger, at neyðugt verður at siga upp fólki í bankanum.

BankNordik heldur fram í Grønlandi, hóast hann gevst í Danmark.

BankNordik hevur góð 20 prosent av marknaðinum í Grønlandi.

Spar Nord er millum størstu pengarstovnar í Danmark. Høvuðssætið er í Ålborg.
 

Hoyr Árna Ellefsen í útvarpstíðindunum.