Jóhan var besti spælarin

– Tað ræður um at njóta teir minuttirnar, tú fær á vøllinum, tí kappingin um plássini á danska landsliðnum er krútsterk.

Tað sigur Jóhan á Plógv Hansen, sum gjørdist toppskjútti við átta málum, tá Danmark í gjárkvøldið spældi seg víðari til millumumfarið í heimsmeistarakappingini í hondbólti í Egyptalandi við einum knúsandi 39 - 19 sigri á Kongo.

Jóhan á Plógv Hansen var eisini besti leikari, sigur serfrøðingingurin hjá Danmarks Radio, Lars Krogh Jeppesen, sum gevur Jóhan á Plógv Hansen metingina 10 av 12 møguligum.