Sleppur ikki á venjingarlegu upp undir OL

Jóhan á Plógv Hansen er ikki millum teir 20 spælararnar, sum danski landsliðsvenjarin Nikolaj Jacobsen hevur tikið út til seks daga drúgvu venjingarleguna hjá liðnum, áðrenn Olympisku Leikirnar í Paris.

Danska A-landsliðið í hondbólti kemur saman 24. juni, og 3. juli verður endaliga gjørt av, hvørjir spælarar skulu umboða Danmark til OL.

Olympisku Leikirnir í Paris verða hildnir í døgunum frá 26. juli til 11. august.

Jóhan á Plógv Hansen hevur spælt 91 landsdystir fyri Danmark. Hann var fyrstu ferð á A-landsliðnum í juni 2015, og hann var seinast við, tá Danmark hálvan mars í ár vann 30-25 móti Sveis.

Tá skeyt hann hann tvey mál.