Ákærin krevur 10 ára fongsul, verjin seks ár

Ákæruvaldið krevur, at maðurin verður dømdur 10 ára fongsul, men verjin heldur, at seks ára fongsul er nóg hørð revsing.

Tað kom fram í nevningatinginum fyrrapartin. Nevningatingið hevur viðgjørt eitt mál, har ein 37 ára gamal maður er dømdur fyri drápsroynd, tá hann skeyt eftir politistum í Miðvági í desember 2019.

Nevningatingið dømdi í gjár mannin sekan í øllum ákærum.

Nevningatingið og teir tríggir løgfrøðiligu dómararnir viðgera í løtuni, hvørja revsing maðurin skal fáa.

Eftir gomlu rættargangslógini bar bara til at kæra spurningin um revsing til landsrættin, ikki skuldarspurningin. Men eftir nýggju lógini, sum kom í gildi 1. januar, ber til bæði at kæra revsingina og skuldarspurningin til landsrættin.

Hoyr Sigmar Bláberg greiða frá úr rættinum.