U19 HM: Loyvið hjá Eyðbirni Heina Davidsen ikki upp á pláss

Føroyar spæla fyrsta dystin í U19 HM-endaspælinum í hondbólti fyri menn klokkan 18 í kroatiska býnum Opatija. Mótstøðuliðið er Burundi. 

Hallur Danielsen, samskipari hjá Hondbóltssambandinum, greiðir frá, at menn eru klárir, men at liðið má klára seg uttan Eyðbjørn Heina Davidsen í fyrsta dystinum.

Spæliloyvið hjá honum er ikki heilt upp á pláss.

32 lond eru við í kappingini, sum er í Kroatia

Ovastu tvey liðini úr hvørjum bólki fara víðari til meginumfarið.

Nummar trý og fýra skulu spæla Presidents Cup, sum er um plássini 17-32.

Eftir innleiðandi bólkaspælið verður bólkurin hjá Føroyum samantvunnin við bólk G, har Týskland, Argentina, Saudi Arabia og USA kappast.

HM-dysturin hjá U19-manslandsliðnum kann síggjast beinleiðis á Youtube-rásini hjá altjóða hondbóltssambandinum.