U19 HM: Føroyar eru í HM-fjórðingsfinaluni

Jákup Egholm. 

Leggið tykkum navnið í geyma, tí 15 ára gamli vinstri vongurin úr Hoyvík er næsta føroyska hondbóltsstjørnan.

U19-manslandsliðið í hondbólti, HM, Saudiarabia, Jákup Egholm

Stórtalentið vísti vongspæl á hægsta altjóða støðið, tá hann og hinir á U19-manslandsliðnum í hondbólti vundu burtur úr Saudiarabia til HM í Kroatia og tryggjaðu sær pláss í HM-fjórðingsfinaluni. 

Átta mál upp á átta royndir bleiv tað til bara í fyrra hálvleiki hjá Jákupi Egholm, og her tosa vit um mál av alskyns slagi. 

Tað var fult uppiborið, at Jákup Egholm bleiv kosin dagsins leikari, hóast hann sat uttanfyri og hvíldi seg tað mesta av seinna hálvleiki. 

U19-manslandsliðið í hondbólti, HM, Saudiarabia

U19-manslandsliðið eru ein staðfesting av, at føroyskum ungdómshondbóltur er á hægsta altjóða støði. 

Dysturin avgjørdur eftir 11 minuttir

Longu tá 11 minuttir vóru leiktir av dystinum, noyddist venjarin hjá Saudiarabia at taka time out. Tá var støðan longu 8-2 til Føroyar, og dysturin í roynd og veru avgjørdur. 

Tað var klassamunur, og hóast saudiarabisku spælararnir vóru fótfimir og spældu skjótan og øðrvísi hondbólt, enn vit vanliga síggja her um okkara leiðir, so vóru teknisku førleikarnir ikki á hædd við førleikarnar hjá føroysku spælarunum.

Nógvir opnir málmøguleikar blivu misnýttir, tí skotteknikkurin ikki var ordiliga upp á pláss. 

U19-manslandsliðið í hondbólti, HM, Saudiarabia

Samstundis koyrdi tann føroyska hondbóltsmaskinan víðari við flottum og fjøltáttaðum hondbóltsspæli.

Har vóru skot úti frá og spælt bleiv inn til Ísak Vedelsbøl á strikuni. Har vóru gjøgnumbrot á vinstru og høgru síðu, og so krúllaði Jákup Egholm bóltin hegnisliga rundan um neyðars málverjan hjá Saudiarabia. 

U19-manslandsliðið í hondbólti, HM, Saudiarabia

22-11 í hálvleikinum

Tá farið varð til hálvleiks, vóru Føroyar framman fyri við 22-11, og tann gongdin helt fram í seinna hálvleiki. 

Bulurin í U19-landsliðnum eru stórtalentini Óli Mittún, ið er spælskipari, Alexander Lacok, málverjin, Ísak Vedelsbø, strikuspælari, og so Jákup Egholm, vinstri vongur. 

Hesir leikararnir hava í stóran mun syrgt fyri, at Føroyar yvirhøvur stóðu á gáttini til eina HM-fjórðingsfinalu. 

Men í dag kundu Óli Mittún og hinir taka fótin eitt sindur av speedaranum og lata aðrar leikarar vísa seg fram, og tað gjørdu fleiri.  

U19-manslandsliðið í hondbólti, HM, Saudiarabia

Verjukempurnar duga at spæla hondbólt

Rókur Ziskason, ið spælir so at siga allar minuttirnar, har mest av orkuni verður brúkt upp á at verja, vísti í dag, at hann eisini dugir at leypa á. 

Trúgvi Hávardsson vísti eisini góð evnir, og tað gjørdi Óla Jákup Gaard Olsen eisini. 

Og so hava Føroyar tveir góðar málverjar og tveir góðar strikuspælarar, tí bæði Leivur Joensen og hin væl bygdi Tóki Fríðriksson vístu dygdir.  

U19-manslandsliðið í hondbólti, HM, Saudiarabia

Venjararnir kundu, sum seinni hálvleikur leið, hvíla bestu leikararnar og lova øllum monnum upp í part. 

Serliga stuttligt var at síggja, at verjukempan Búi Poulsen slapp at spæla eitt sindur í álopinum og vísa, at hon dugir annað enn at verja. 

Tá avtornaði vunnu Føroyar 41-23 á Saudiarabia og skulu nú spæla HM-fjórðingsfinalu. 

screenshot_2023-08-08_172132.jpg

Saudi Arabia 23 - 41 Faroe Islands
(11 - 22) (12 - 19)

Málskjúttar
2 JOHNSSON Tróndur 1
4 NATTESTAD Sofus I Selvindi 3
9 SEYER Rói Hjaltason 2
10 GAARD OLSEN Óla Jákup 4
12 JOENSEN Leivur
20 EGHOLM Jákup 8
21 POULSEN Búi 1
22 LACOK Aleksandar
32 FRIDRIKSSON Tóki 2 
39 ZISKASON Rókur 3
44 GAARD Niklas 1
45 HÁVARDSSON Trúgvi 4
47 VEDELSBOL Ísak 9
76 HOJSTED Hogni 1
78 MITTUN Oli 4

Dómaraseðilin

Dystargongdin

Hagtøl frá dystinum kunnu síggjast her.