- Tíðindi, mentan og ítróttur
Illveðrið ávirkar samferðsluna
Illveðrið ávirkar samferðsluna
Bygdaleiðir eru avlýstar, nakrar bussleiðir í Havn koyra ikki og flogferðslan er eisini darvað
21.10.2019 - 15:52
Strandferðslan boðar frá, at leið 700 hjá Bygdaleiðum, sum koyrir millum Tvøroyri og Fámjin, koyrir ikki meira í dag, og leið 700, millum Sumba, Vág og Tvøroyri, koyrir ikki fyribils.
Leið 410, millum Fuglafjørð, Gøtudal og Klaksvík, koyrir heldur ikki fyribils. Boðað verður frá, um koyrt verður seinni í dag.
Fýra flogfar seinkað
Bussleiðin í Havn boðar frá, at leið 6 og 7 koyra ikki fyribils. Nærri boð koma klokkan 18. Flogferðslan er eisini darvað av veðrinum.
Sambært heimasíðuni hjá Vága floghavn eru fýra flogfør hjá Atlantic Airways, sum skulu koma í Vágar, seinkað.
Tey eru úr Keypmannahavn, Keflavík og Edinburgh. Meira fæst at vitja á heimasíðuni hjá Vága floghavn, fae.fo.
Nýggjastu sendingar í ÚV
Nýggjastu sendingar í SV