- Tíðindi, mentan og ítróttur
Borðoyarnes fiskar eftir slímálli

Slímállur finst allastaðni rundan um oyggjarnar á einum serligum dýpi, men føroyingar hava sum skilst ongantíð fiska slímáll ella súgáll, sum hann eisini verður kallaður.
Skipið Borðoyarnes roynarfiskar nú eftir slímálli. Borðoyarnes fiskar annars eftir krabba.
Állurin verður fiskaður við rúsum. Hesar fyrstu túrarnar hevur Borðoyanes landað hjá Havsbrún, sum hevur gjørt mjøl burtur fiskinum, men slímállur verður roknað sum delikatessa, serliga á koreansku hálvoynni, og tað er við hesum marknaði fyri eyga, at Borðoyarnes er farið undir hesa roynd.
Amerikanar og koreanar hava áður fiskað slímáll. Men sum skilst, so er fiskiskapurin minkaður, og tí er eftirspurningurin eftir fiskinum vaksin í fjareystri.



























