Joel og Ingilín kjakast um lýsingabløð

Skulu lýsingabløð sendast við postinum til hvørt húski í landinum, ella skulu vit leita eftir tilboðunum á netinum?

Tað er spurningurin, sum Ingilín D. Strøm, løgtingskvinna fyri Javnaðarflokkin, og Joel undir Leitinum, stjóri á Posta, fara at kjakast um í Degi og Viku í kvøld. 

Spurningurin er reistur, eftir at FNU hevur víst eina mynd á Facebook av lýsingabløðum, sum eitt húski í Klaksvík savnaði saman  fjør.

17.500 húski í landinum fáa lýsingabløð.

Í fjør bar Posta tilboðsbløð út, sum vigaðu tilsamans 385.000 kilo.

FNU heldur, at at fólk eiga at boða frá, um tey vilja hava tilboðsbløð í postkassan, og ikki sum nú, at tú skalt boða frá, um tú ikki vil hava tilboðsbløð.