4.500 hava skoytað í Klaksvík

Skoytubreytin í Klaksvík er nógv brúkt.

Í miðal hava 375 fólk skoytað um dagin, skrivar Klaksvíkar kommuna.

Yvir 4.500 fólk hava verið á skoytubreytini, síðani hon varð í nýtslu 7.desember í fjør.

Opin í 14 dagar

Veðrið hevur gjørt, at skoytubreytin bara hevur verið opin í 14 dagar. Og hon letur aftur sunnudagin.

Síðani verður undirlagið undir skoytubreytini gjørt heilt liðugt. 

Skoytubreytin í Havn skuldi lata aftur í dag, men veðrið gjørdi, at hon læt aftur longu í síðstu viku.