Corona: Landslæknin kunnað Heilsumálaráðið

Lars Fodgaard Møller, landslækni, hevði seinnapartin í gjár fund við Kaj Leo Holm Johannesen, landsstýrismann í heilsumálum.

– Talan var fyrst og fremst um eina kunning til føroysku heilsumyndugleikarnar, umframt at gingið varð ígjøgnum føroysku tilbúgvingina á økinum, sigur Lars Fodgaard Møller.

Hann staðfestir, at heilsumyndugleikarnir eru til reiðar, um so er at coronavirusið skuldi komið higar. Eisini er greitt, hvussu sjúklingar við coronavirusi skulu flytast úr Føroyum til isolatión í Danmark, skuldi tað blivið neyðugt.

– Fyribils verða tó eingi tiltøk sett í verk í Føroyum, sigur Lars Fodgaard Møller, landslækni.