Allur hondbóltur útsettur fyribils

Í tíðindaskrivi boðar HSF frá, at avgerðin um at útseta dystirnar er tikin vísandi til nýggjastu tíðindini um, hvussu corona-smittan er farin at gera um seg í grannalondunum. 

Umframt at leggja dystarvirksemið stilt í tvær vikur, mælir HSF eisini feløgunum kring landið til at avlýsa venjingar og annað virksemi. Fleiri feløg hava longu alment boðað frá, at tey fylgja tí tilmælinum.

Seinastu dystirnir áðrenn endaspælið hjá kvinnum og monnum skuldu annars spælast hesar báðar komandi vikurnar.