Útvístur í fimm ár

Ein 31 ára gamal maður úr Póllandi fekk í gjár fýra mánaða fongsul fyri at hótta annað fólk eftir lívinum og vera harðligur á Skála langa fríggjadag, 10. apríl.

Maðurin er eisini vístur úr Føroyum í fimm ár. Maðurin skeyt alt fyri eitt dómin inn fyri Landsrættin, og tað gjørdi ákæruvaldið eisini.

Tá rættarfundurin í gjár var liðugur, varð maðurin latin leysur. Hann varð varðhaldsfongslaður 11. apríl.