Eingin deyður seinasta samdøgrið

Tað vísir ein uppgerð frá myndugleikunum í býnum, sambært New York Daily News. Fyrsta fólkið í New York doyði av koronu 11. mars.

Síðani eru 20.000 fólk deyð í stórbýnum, og tað er umleið fimtaparturin av teimum deyðu í USA. 7. apríl doyðu 590 fólk í eitt samdøgur, og tað var tað mesta eftir so stuttari tíð.

– Hetta eru sera góð tíðindi, sigur talsmaðurin hjá borgarstjóranum, Bill de Blasio, Freddi Goldstein.

Býurin stongdur í tveir mánaðir

New York hevur verið stongur í meir enn tveir mánaðir av koronavirusinum. Á einum tíðindafundi segði borgarstjórin, Bill de Blasio, at nú er støðan í býnum á rættari leið, og umhugsað verður at lata býin upp aftur.

Hóast New York hevur verið stongdur, so hava fólk í túsundatali mótmælt framferðini hjá løgregluni, tá George Floyd, doyði.

Týsdagin var forboð sett fyri at fara út millum klokkan átta um kvøldið og fimm um morgunin, men tað hava mótmælisfólkini ikki virt, skriva amerikanskir miðlar sambært Ritzau.