Meira enn 10 milliónir fólk smittað

Tað vísir tann nýggjasta uppgerðin hjá John Hopkins University, ið skrásetir tøl frá heilsumyndugleikunum í øllum heiminum, sambært BBC News.

Flestu COVID-19 tilburðirnir eru skrásettir í USA. Har hava meira enn 2,5 milliónir fólk higartil fingið staðfest smittuna, vísa nýggjastu tølini.

Talið á deyðum nærkast 500.000

Hini londini á topp 10 listanum, har nógvir tilburður eru staðfestir, eru Brasil, Russland, India, Stóra Bretland, Peru, Kili, Spania, Italia, Iran og Meksiko.

Líkt er eisini til, at samlaða talið á fólki í heiminum, sum eru deyð av COVID-19, seinnapartin fer upp um eina hálva millión, skrivar BBC News.

Higartil eru 499.296 fólk í øllum heiminum deyð av COVID-19, vísir nýggjasta uppgerðin hjá John Hopkins University. Í Føroyum er eingin deyður av smittuni.