FM í talvi verður í august

Føroyameistaraheitini í talvi fyri einstaklingar verða í Løkshøll í august. Vanliga hevur kappingin verið telvað um páskirnar, men tí forðaði korona fyri.

Nú verður kappingin í staðin hildin annað og triðja vikuskiftið í august og er sjey umfør. Tað boðar Talvssamband Føroya frá.

Landsliðsbólkurin verður mannaður av átta teimum hægst styrkismettu telvarunum, og umframt at telva um FM-heitið, telva hesir eisini um pláss á føroyska OL-liðnum og um at verða føroyska umboðið í Small Nations-talvkappingini.

FM fyri børn verður eisini

1. bólkur er mannaður av átta teimum næstu telvarunum, og restin telvar í almenna bólkinum. Eisini telva unglingar um unglingaføroyameistaraheitið. 

Óalment FM fyri børn verður fyri fyrstu ferð, og er fyri børn og ung uttan styrkistal. FM fyri veteranar, sum eru 50 ár og eldri, verður eisini hildið.

Talvsamband Føroya skipar fyri kappingunum saman við Runavíkar Talvfelag og Runavíkar Kommunu.