Kanna frá klokkan 17 til 19

Koronakanningar verða á Landssjúkrahúsinum gerandisdagar frá klokkan 17 til 19. Tað upplýsir Landssjúkrahúsið í tíðindaskrivi.

Tær kanningarnar byrja í dag, og seinni í vikuni verður boðað frá, hvør skipan verður galdandi um vikuskiftið.

Byrjaðu í gjár

Nýggja kanningarmiðstøðin á Eirargarði hevði opið fyri fyrstu ferð í gjár, og royndin eydnaðist samanumtikið væl.

Hóast bíðirøðirnar vóru langar og tey, ið bíðaðu longst, bíðaðu upp ímóti fýra tímum, so vóru fólk tolin og vístu atlit fyri hvørjum øðrum. Leysliga mett lótu 1000 fólk seg kanna í gjár.

Kanningarmiðstøðin hevur opið allar gerandisdagar frá 17 til 19. Øll, sum standa í bíðirøð klokkan 19, verða kannað fyri koronu í dag. Onnur mugu bíða til í morgin.