Bjóða arbeiðið út aftur í heyst

Nýggja bú- og umlættingarheimið til børn og ung við autismu, verður væntandi boðið út aftur í heyst.

Tað sigur Elsebeth Mercedis Gunnleygsdóttur, landsstýriskvinna í almannamálum, sum viðgongur, at tað er ein avbjóðing at finna neyðugu sparingarnar.

Tá heimið, sum skal standa í Kvíggjartúni á Argjum, varð boðið út, var lægsta tilboðið 56 milliónir kr., ella 14 milliónir størri enn kostnaðarmetingin, sum var 42 milliónir kr.

Landsstýriskvinnan í almannamálum avgjørdi tí at ógilda útbjóðingina.