Koronugjald kann styggja ferðafólk

Bill Justinussen, løgtingsmaður, sigur, at vit eiga at røkja okkara umdømi sum ferðavinnuland

Bill Justinussen heldur, at tað kann tykjast eitt sindur smáligt at krevja koronugjald frá ferðafólkum, tá havt verður í huga, at ferðavinnan hevur fingið so stóran búskaparligan týdning

Johnsigurd Johannesen

24.09.2020 - 13:47

Uppskotið um, at ferðafólk sjálv skulu gjalda fyri at verða kannað fyri koronu, tá tey koma til Føroya, fekk góða undirtøku, tá tað var til viðgerðar í tinginum fyrrapartin.

Men Bill Justinussen í Miðflokkinum, sum eisini er í samgongu, ávaraði ímóti, at koronugjaldið kann styggja ferðafólk.

Hann segði, at ferðavinnan hevur havt sera stóran týdning fyri Føroyar, og er vorðið eitt bein aftrat fíggjarliga at standa. Tí kann gjaldið tykjast eitt sindur smáligt, segði Bill Justinussen.

Uppskotið er farið í fíggjarnevndina til viðgerðar.

Sí/hoyr brot úr røðuni, sum Bill Justinussen helt í tinginum.