Gerðarrætturin viðger mál um tímar

Fasti gerðarrættur skal nú gera av, um Fíggjarmálaráðið skal viðurkenna, at vegleiðarar og próvdómarar hava rætt til 7,5 tímar hvør fyri hvørja verkætlan, tá talan er um breytaverkætlanir á fyrireikingarbreytunum á miðnámsskúlum.

Yrkisfelagið Miðnám hevur kravt tað, og almennur úrskurðarfundur var í gjár.

Úrskurðurin er ikki komin enn.

Málið byrjaði 20. desember í 2017, tá yrkisfelagið Miðnám sendi kærurit.