Fastan kommunulækna til ellisheimini

Uppskotið hjá Framsókn um at hava fastan kommunulækna knýttan at ellis- og røktarheimum hevur undirtøku í løgtinginum.

Trivnaðarnevndin tekur undir við uppskotinum og mælir til at samtykkja tað. Nevndin heldur, at uppskotið er skilagott.

Men Trivnaðarnevndin leggur tó stóran dent á, at ikki verður bygd upp ein nýggj skipan til hetta endamálið, sum ger, at uppskotið fer at hava meirkostnað við sær.

Atkvøtt verður um málið á tingfundinum í dag.