Tikin í eið sum hægstarættardómari

Ein meiriluti í Senatinum í USA hevur í nátt okkara tíð atkvøtt "ja" til, at 48 ára gamla Amy Coney Barrett verður nýggjur hægstarættardómari í USA, skrivar Ritzau.

Stutt frammanundan hevði eitt fleirtal í Senatinum atkvøtt fyri Barrett. Hon tekur við embætinum eftir ta liberalu Ruth Bader Ginsburg, sum doyði í september.

Vil herða vápnalógina

Amy Coney Barrett er praktiserandi katolikkur, og nógv kjak hevur verið í USA eftir at tað kom fram, at Barrett fór at verða innsett í embætið.

Barrett hevur áður sagt, at hon ynskir at herða vápnalógina í USA. Hon hevur eisini gjørt vart við, at fosturtøkulógin í landinum skuldi verðið herd.

Amy Coney Barrett hevur verið gift við Jesse M. Barrett síðani 1999, og tey eiga sjey børn saman, tvey teirra eru ættleidd.