Ein hálv millión fólk smittað í gjár

Fleiri enn hálv millión fólk kring allan heimin vórðu smittað av koronu í gjár. Tað er nýtt met, at so nógv eru skrásett at verða smittað í ein dag, skrivar NTB.

Tilsamans vórðu 516.898 nýggir tilburðir skrásettir í gjár. Samstundis doyðu 7.723 fólk av koronu í gjár. Tilsamans eru fleiri enn 44 milliónir fólk í øllum heiminum skrásett at hava koronu.

Ein millión og 170.000 fólk eru deyð av sjúkuni. Londini, sum eru meinast rakt, eru USA, India, Brasil, Russland og Frakland.