Færri dreingir men fleiri gentur roykja

Færri dreingir og fleiri gentur í níggjunda flokki søgdu seg roykja í fjør enn tey, sum vórðu spurd í 2015. Í fjør var talið hjá dreingjum 8,4 prosent, tað var 10,2 í 2015.

5,4 prosent av gentunum, sum blivu spurdar í fjør, søgdu seg roykja. Í 2015 var talið 2,6 prosent.

3,0 prosent av øllum næmingunum søgdu seg roykja dagliga, longu tá teir vóru 13 ára gamlir ella yngri.

Hetta talið var 2,2 prosent í 2015. Talið er minkað nógv. Í 1996 søgdu 39 prosent, at tey royktu dagliga.

Drekkingarmynstrið mest sum óbroytt

62 prosent søgdu seg hava smakkað rúsdrekka seinastu 30 dagarnar. Nakað tað sama sum í 2015.

Men 13 prosent søgdu seg hava drukkið seg fullan. Tey vóru 10,3 prosent í 2015. Kanningin bleiv gjørd í døgunum 5. mars til 4. apríl í fjør. 

37 níggjundu flokkar í 19 skúlum vóru við. 511 svaraðu, tey eru 82 prosent. Tey, sum ganga í níggjunda vóru 15 ella 16 ára gomul í fjør, fødd í 2003.