Stóra Bretland góðkent enn eitt koppingarevni

bannari
Stóra Bretland góðkent enn eitt koppingarevni
Nýggja koppingarevnið, sum vísindafólk við lærda háskúlan í Oxford hava ment, fer at seta nógv meiri ferð á koppsetingarnar í Bretlandi
Manntómar gøtur í Regent Street í Stóra Bretlandi annan jóladag. Nú er enn ein koppseting góðkend at brúka í landinum
 
30.12.2020 - 09:49

Korona-koppingarevnið Oxford-AstraZeneca hevur nú fingið allar neyðugar góðkenningar í Bretlandi, og sostatt er enn eitt koppingarevni tøkt í stríðnum móti COVID-19. Tað skrivar BBC í morgun.

Bretar byrjaðu fyrr í hesum mánaðinum at koppseta við koppingarevninum hjá Pfizer-BioNTech, og síðani tá eru meir enn 600.000 fólk í Bretlandi koppsett.

Men nýggja koppingarevnið, sum vísindafólk við lærda háskúlan í Oxford hava ment, fer at seta nógv meiri ferð á koppsetingarnar í Bretlandi.

100 milliónir skamtar bílagdir

Stjórnin í Bretlandi hevur bílagt 100 milliónir skamtar frá AstraZeneca, og tað er nóg mikið til at koppseta 50 milliónir fólk í landinum fyri COVID-19.

Ein stórur munur er, at koppingarevnið hjá Pfizer-BioNTech má goymast í 70 kuldastigum, men nýggja koppingarevnið kann goymast í einum vanligum kuldaskápi.

Tað fer at gera tað nógv lættari at fáa koppingarevnið út til eitt nú ellis- og røktarheim. Nýggja koppingarevnið kemur væl við í Bretlandi, sum hevur havt stórar trupulleikar av koronu seinastu tíðina.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592